ಗರ್ಭಿಣಿ ಬಾಣಂತಿಯರಿಗಿಲ್ಲ ತಾಯಿ ಕಾರ್ಡ್ ಭಾಗ್ಯ...?

ಚಳ್ಳಕೆರೆ ಅ.27

ತಾಯಿ ಮತ್ತು ಮಗುವಿನ ಆರೈಕೆಯ ದೃಷ್ಟಿಯಿಂದ ಸರಕಾರ ರಾಷ್ಟ್ರೀಯ ಸಮಗ್ರ ಗ್ರಾಮೀಣ ಆರೋಗ್ಯ ಅಭಿಯಾನ ಮತ್ತು ಸಮಗ್ರ ಶಿಶು ಅಭಿವೃದ್ಧಿ ಯೋಜನೆಯ ಅಂಗವಾಗಿ ಜಾರಿಗೆ ತಂದಿರುವ “ತಾಯಿ ಕಾರ್ಡ್‌’ ಗಾಗಿ ಗರ್ಭಿಣಿ ಮಹಿಳೆಯರು ಪರದಾಡುವಂತಾಗಿದೆ.
ಹೌದು ತಾಲೂಕಿನಲ್ಲಿ ಗರ್ಭಿಣಿಯರಾಗಿ ಸುಮಾರು ನಾಲ್ಲು ತಿಂಗಳು ಕಳೆದವರಿಗೆ ಹಾಗೂ ಹೆರಿಗೆಯಾದರೂ ಸಹ ತಾಯಿ ಕಾರ್ಡ್ ನೀಡದೆ ಇರುವುದು ಗರ್ಭಿಣಿ ಮತ್ತು ಬಾಣಂತಿಯರು ತಾಯಿ ಕಾರ್ಡ್ ಗಾಗಿ ಆರೋಗ್ಯ ಇಲಾಖೆಗೆ ಅಲೆದಾಡಿದರೂ ಸಹ ತಾಯಿ ಕಾರ್ಡ್ ಭಾಗ್ಯ ಸಿಗದಂತಾಗಿದೆ.
ಮಹಿಳೆ ಗರ್ಭವತಿ ಎಂದು ಗುರುತಿಸಿದ ತಕ್ಷಣ ತಾಯಿ ಕಾರ್ಡ್ ನೀಡ ಬೇಕೆಂಬ ನಿಯವಿದ್ದು ಗರ್ಭಿಣಿಯ ಆರೋಗ್ಯ ತಪಾಸಣೆಯ ಮಾಹಿತಿಯನ್ನು ದಾಖಲಿಸುವ ಜತೆಗೆ ಗರ್ಭಿಣಿ ಮಹಿಳೆ ಮಗುವಿಗೆ ಜನ್ಮ ನೀಡಿದ ಮಗು ಐದು ವರ್ಷದ ತನಕ ಮಗುವಿನ ಆರೋಗ್ಯ. ಚುಚ್ಚು ಮದ್ದು.ಲಸಿಕೆ.ತಾಯಿ ಮಗುವಿನ ಸಮಗ್ರ ಮಾಹಿತಿ ತಾಯಿ ಕಾರ್ಡ್ ನಲ್ಲಿ ಗರ್ಭಿಣಿಯ ಆರೈಕೆಯ ಜತೆಗೆ ಗರ್ಭದಲ್ಲಿರುವ ಭ್ರೂಣದ ಪೋಷಣ ಮಗು ಹುಟ್ಟಿ, 16 ವರ್ಷದವರೆಗೆ ಈ ತಾಯಿ ಕಾರ್ಡ್‌ ಬಳಕೆಯಲ್ಲಿ ಇರುತ್ತದೆ. ಇಷ್ಟು ವ್ಯಾಪಕ ಬಳಕೆಗೆ ಅಗತ್ಯ ಇರುವ ತಾಯಿ ಕಾರ್ಡ್‌ ತಲುಪದೇ ಇದ್ದರೆ ಹೊಣೆ ಯಾರು? ತಾಯಿ ಕಾರ್ಡ್‌ ತುಂಬಾ ಅಗತ್ಯವಾಗಿ ಬೇಕಾಗಿರುವುದು .

ಮಗು ಹಾಗೂ ತಾಯಿಯ ಅಪೌಷ್ಟಿಕತೆಯನ್ನು ನಿವಾರಿಸಿ ಆರೋಗ್ಯ ಖಾತರಿಪಡಿಸುವ ದೃಷ್ಟಿಯಿಂದ ಪ್ರತಿ ಯೊಬ್ಬ ಗರ್ಭಿಣಿಗೂ ತಾಯಿ ಕಾರ್ಡ್‌ ಮಾಡಿಸಿರಬೇಕು. ಆದರೆ ಗರ್ಭಿಣಿಯರಿಗೆ ಈ ಬಗ್ಗೆ ಮಾಹಿತಿಯೇ ಸಿಗುತ್ತಿಲ್ಲ ಎಂಬ ದೂರು ಇದೆ.
ಈಗಲಾದರೂ ಸಂಬಂಧಪಟ್ಟ ಅಧಿಕಾರಿಗಳು ಗರ್ಭಿಣಿ ಬಾಣಂತಿಯರಿಗೆ ಕಾಯಿ ಕಾರ್ಡ್ ಭಾಗ್ಯ ಒದಗಿಸುವರೇ ಕಾದು ನೋಡ ಬೇಕಿದೆ.