ತಾಲ್ಲೂಕು ಆಡಳಿತದಿಂದ ಪ್ರತಿವರ್ಷದಂತೆ ಮಹಾಶಿವರಾತ್ರಿಪ್ರಯುಕ್ತ ಶಿವನ ದೇವಾಲಯಗಳಿಗೆ ಕಾಶಿಗಂಗಾಜಲ ವಿತರಣೆ

ಹಿರಿಯೂರು :
ನಗರದ ತಾಲ್ಲೂಕು ಆಡಳಿತ ಸೌಧದ ಸಭಾಂಗಣದಲ್ಲಿ ಹಿಂದೂ ಧಾರ್ಮಿಕ ದತ್ತಿ ಇಲಾಖೆ ಬೆಂಗಳೂರು, ಜಿಲ್ಲಾಡಳಿತ ಚಿತ್ರದುರ್ಗ ಜಿಲ್ಲೆ, ತಾಲ್ಲೂಕು ಮುಜರಾಯಿ ಅಧಿಕಾರಿಗಳು ಹಿರಿಯೂರು ತಾಲ್ಲೂಕು ಇವರ ವತಿಯಿಂದ ಪ್ರತಿ ವರ್ಷದಂತೆ ಮಹಾಶಿವರಾತ್ರಿ ಹಬ್ಬದ ಪ್ರಯುಕ್ತ ಶಿವನ ದೇವಾಲಯಗಳಿಗೆ ಕಾಶಿ ಪವಿತ್ರ ಗಂಗಾಜಲವನ್ನು ವಿತರಿಸಲಾಯಿತು.
ಈ ಸಂದರ್ಭದಲ್ಲಿ ತಾಲ್ಲೂಕು ತಹಶೀಲ್ದಾರ್ ಸಿ.ರಾಜೇಶ್ ಕುಮಾರ್, ಗ್ರೇಡ್-2 ತಹಶೀಲ್ದಾರ್ ಸಿ.ಜೆ.ಕೃಷ್ಣಕುಮಾರ್, ಶಿರಸ್ಥೇದಾರ್ ಕೆ.ಬಿ.ತಿಪ್ಪೇಸ್ವಾಮಿ, ಮುಜರಾಯಿ ಅಧಿಕಾರಿ ಬಿ.ಚನ್ನಬಸವರಾಜ. ಹಾಗೂ ತಾಲ್ಲೂಕಿನ ಶಿವನ ದೇವಸ್ಥಾನಗಳ ಅರ್ಚಕರುಗಳು ಉಪಸ್ಥಿತರಿದ್ದರು.