ಅಪ್ರಾಪ್ತ ಬಾಲಕಿ ಮೇಲೆ ಲೈಂಗಿಕ ದೌರ್ಜನ್ಯ ಚಳ್ಳಕೆರೆ ಠಾಣೆಯಲ್ಲಿ ಪೋಕ್ಸೋ ಪ್ರಕರಣ ದಾಖಲು.

ಚಳ್ಳಕೆರೆ-19 ತಾಲ್ಲೂಕಿನ ರೆಡ್ಡಿಹಳ್ಳಿ ಗ್ರಾಮದಲ್ಲಿ ಖಾಸಗಿ ಫೈನಾನ್ಸ್‍ನಲ್ಲಿ ಕಾರ್ಯನಿರ್ವಹಿಸುವ ಎಚ್.ಮಂಜುನಾಥ(29) ಎಂಬ ಯುವಕ ಅಪ್ರಾಪ್ತ ಬಾಲಕಿಯ ಮೇಲೆ ಲೈಂಗಿಕ ದೌರ್ಜನ್ಯ ನಡೆಸಿದ್ದು, ಆಕೆ ಮಗುವಿಗೆ ಜನ್ಮನೀಡಿದ ಹಿನ್ನೆಲೆಯಲ್ಲಿ ಆರೋಪಿ ಮಂಜುನಾಥವಿರುದ್ದ ಪೋಕ್ಸೋ ಪ್ರಕರಣ ದಾಖಲು ಮಾಡಲಾಗಿದೆ.
ಸಿಡಿಪಿಒ ಕಚೇರಿ ಮೇಲ್ವಿಚಾರಿ ಎಲ್.ತಿಪ್ಪಮ್ಮ ಈ ಬಗ್ಗೆ ದೂರು ನೀಡಿ, ಹಿರಿಯ ಅಧಿಕಾರಿಗಳ ಮಾರ್ಗದರ್ಶನದಲ್ಲಿ ಚಿತ್ರದುರ್ಗದ ಸಖಿ ಕೇಂದ್ರಕ್ಕೆ ಭೇಟಿ ನೀಡಿದಾಗ ತಾಲ್ಲೂಕಿನ ದೇವರಮರಿಕುಂಟೆ ಗ್ರಾಮದ 17 ವರ್ಷದ ಪಿಯುಸಿ ವಿದ್ಯಾರ್ಥಿನಿ ಅಪ್ರಾಪ್ತ ಬಾಲಕಿ ವಿಚಾರಿಸಿದಾಗ ರೆಡ್ಡಿಹಳ್ಳಿ ಗ್ರಾಮದ ಎಚ್.ಮಂಜುನಾಥ ಅವರ ಮನೆಯಲ್ಲಿ ಬಾಲವಂತವಾಗಿ ಲೈಗಿಂಕ ದೌರ್ಜನ್ಯ ನಡೆಸಿದ್ದು ನಾನು ಗರ್ಭಿಣಿಯಾಗಿ ಮಗುವಿಗೆ ಜನ್ಮನೀಡಿರುತ್ತೇನೆಂದು ತಿಳಿಸಿದ್ದು, ಆರೋಪಿ ಮಂಜುನಾಥವಿರುದ್ದ ಪಿಎಸ್‍ಐ ಜೆ.ಶಿವರಾಜ್ ಪೋಕ್ಸೋ ಪ್ರಕರಣ ದಾಖಲಿಸಿದ್ಧಾರೆ.