ಚಿಕ್ಕ ಉಳ್ಳಾರ್ತಿಯಲ್ಲಿ ಫೆ.21ರಿಂದ 23ರವರೆಗೆ ಶ್ರೀ ಬೋರದೇವರ ಜಾತ್ರಾ ಮಹೋತ್ಸವ

ನಾಯಕನಹಟ್ಟಿ:
ನಾಯಕನಹಟ್ಟಿ ಸಮೀಪದ ಓಬಯ್ಯನಹಟ್ಟಿ ಗ್ರಾಮದಲ್ಲಿ ಸೋಮವಾರ ಶ್ರೀ ಬೋರದೇವರ ಸ್ವಾಮಿಯ ಜಾತ್ರಾ ಮಹೋತ್ಸವದ ಅಂಗವಾಗಿ ಗದ್ದಿಗೆ ಪೂಜೆ ನೆರವೇರಿಸಲಾಯಿತು.

ಈ ಸಂದರ್ಭದಲ್ಲಿ ಮಾತನಾಡಿದ ಮಾಜಿ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಹಾಗೂ ಹಾಲಿ ಸದಸ್ಯ ಬಂಡೆ ಕಪ್ಪಿಲೆ ಓಬಣ್ಣ ಅವರು, ಚಿಕ್ಕ ಉಳ್ಳಾರ್ತಿಯಲ್ಲಿ ನಡೆಯುವ ಶ್ರೀ ಬೋರದೇವರ ಜಾತ್ರಾ ಮಹೋತ್ಸವವು ಪ್ರತಿ ಐದು ವರ್ಷಗಳಿಗೊಮ್ಮೆ ವಿಜೃಂಭಣೆಯಿಂದ ನಡೆಯುತ್ತಿದ್ದು, ಈ ಬಾರಿ ಫೆಬ್ರವರಿ 21ರಿಂದ 23ರವರೆಗೆ ಜರುಗಲಿದೆ ಎಂದು ತಿಳಿಸಿದರು. ಕುಲಸ್ಥರು ಹಾಗೂ ಗ್ರಾಮಸ್ಥರು ದನ-ಮನ ಸಮರ್ಪಿಸಿ ಎಲ್ಲರೂ ಒಂದಾಗಿ ಸೇರಿ ಜಾತ್ರೆಯನ್ನು ಅದ್ದೂರಿಯಾಗಿ ಹಾಗೂ ಯಶಸ್ವಿಯಾಗಿ ನಡೆಸಬೇಕೆಂದು ಅವರು ಮನವಿ ಮಾಡಿದರು.
ಕಾರ್ಯಕ್ರಮದಲ್ಲಿ ಗ್ರಾಮ ಪಂಚಾಯಿತಿ ಮಾಜಿ ಉಪಾಧ್ಯಕ್ಷ ಡಿ.ಹೆಚ್. ಪರಮೇಶ್ವರಪ್ಪ ಮಾತನಾಡಿದರು.
ಈ ಸಂದರ್ಭದಲ್ಲಿ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷ ಓ. ಸೋಮಶೇಖರ, ಪಾಟೀಲ್ ಪಿ.ಎಂ. ಮಹದೇವಣ್ಣ, ಡಿ.ಟಿ. ಕಾಮರಾಜ, ಬೋರಜ್ಜಯ್ಯ, ಮ್ಯಾಕಲ ಮಲ್ಲಯ್ಯ, ಗೊಂಚಿ ಸಣ್ಣಬೋರಯ್ಯ, ಗಣೇಶ ಬೋರಯ್ಯ, ಮರಡಿ ಬೋರಯ್ಯ ಸೇರಿದಂತೆ ಗೊಂಚಿಗಾರು ಹಾಗೂ ಗೌಡ್ರು ವಂಶಸ್ಥರು ಮತ್ತು ಅನೇಕ ಕುಲಭಾಂದವರು ಉಪಸ್ಥಿತರಿದ್ದರು.