ಸಮಾಜ ಸೇವಕ ಎಸ್. ಲಿಂಗಮೂರ್ತಿಗೆ ಗೌರವ ಡಾಕ್ಟರೇಟ್ – ಟೌನ್ ಕ್ಲಬ್‌ನಲ್ಲಿ ಅಭಿನಂದನಾ ಸಮಾರಂಭ

ಹೊಸದುರ್ಗ: ಸಮಾಜ ಸೇವಕ, ಅಭಿವೃದ್ಧಿಯ ಚಿಂತಕ ಹಾಗೂ ಬಿಜೆಪಿ ಮುಖಂಡರಾದ ಎಸ್. ಲಿಂಗಮೂರ್ತಿ ಅವರಿಗೆ ಸುಮಾರು 35 ವರ್ಷಗಳ ಸಮಾಜ ಸೇವೆಯನ್ನು ಗುರುತಿಸಿ ಅಮೇರಿಕಾದ ಫ್ಲೋರಿಡಾ ರಾಜ್ಯದ ಯೋಗ ಸಂಸ್ಕೃತ ಯೂನಿವರ್ಸಿಟಿ ಗೌರವ ಡಾಕ್ಟರೇಟ್ ನೀಡಿ ಸನ್ಮಾನಿಸಿದೆ.
ಈ ಹಿನ್ನೆಲೆಯಲ್ಲಿ ಎಸ್. ಲಿಂಗಮೂರ್ತಿ ಅವರಿಗೆ ಅಭಿನಂದನಾ ಸಮಾರಂಭವನ್ನು ಇಂದು (ಮಾರ್ಚ್ 11, ಬುಧವಾರ) ಸಂಜೆ 4 ಗಂಟೆಗೆ ಪಟ್ಟಣದ ಡಿ.ಆರ್.ಎನ್ ಬಡಾವಣೆಯ ಶಿವನೇಕಟ್ಟೆ ಸಮೀಪದಲ್ಲಿರುವ ಟೌನ್ ಕ್ಲಬ್‌ನಲ್ಲಿ ಆಯೋಜಿಸಲಾಗಿದೆ.
ಎಸ್. ಲಿಂಗಮೂರ್ತಿ ಅವರು ರಾಜ್ಯ ಬಿಜೆಪಿ ಮುಖಂಡರಾಗಿದ್ದು, ಕಳೆದ ಬಾರಿ ಬಿಜೆಪಿ ಸರ್ಕಾರ ಅಧಿಕಾರದಲ್ಲಿದ್ದ ಸಂದರ್ಭದಲ್ಲಿ ರಾಜ್ಯ ಖನಿಜ ನಿಗಮ ಮಂಡಳಿಯ ಅಧ್ಯಕ್ಷರಾಗಿ ನೇಮಕಗೊಂಡು ತಮ್ಮ ಕರ್ತವ್ಯವನ್ನು ನಿರ್ವಹಿಸಿದ್ದರು.