ನಗರಸಭೆ ವ್ಯಾಪ್ತಿಯ ತಂಬಾಕು ಉತ್ಪನ್ನಗಳ ಮಾರಾಟ ಮಾಡುವ ವ್ಯಾಪಾರಸ್ಥರಿಗೆ ಪರವಾನಿಗೆ ಕಡ್ಡಾಯ ಪೌರಾಯುಕ್ತ ಜಗ್ಗರೆಡ್ಡಿ

ಚಳ್ಳಕೆರೆ ಡಿ.6

ಚಳ್ಳಕೆರೆ ನಗರಸಭೆ ವ್ಯಾಪ್ತಿಯ ತಂಬಾಕು ಉತ್ಪನ್ನಗಳ ಮಾರಾಟ ಮಾಡುವ
ವ್ಯಾಪಾರಸ್ಥರಿಗೆ ಈ ಮೂಲಕ ತಿಳಿಯಪಡಿಸುವುದೆನೆಂದರೆ ಸಿಗರೇಟ್ ಮತ್ತು ಇತರೆ ತಂಬಾಕು
ಉತ್ಪನಗಳ ಕಾಯ್ದೆ 2003ರನ್ವಯ ಕೋಟ್ಟಾ-2003 ರ ಕಾಯ್ದೆಯ ಸೆಕ್ಷನ್-4 ರನ್ವಯ ಸಾರ್ವಜನಿಕ
ಪ್ರದೇಶದಲ್ಲಿ ಧೂಮಪಾನ ನಿಷೇದಿಸಲಾಗಿದೆ ಹಾಗೂ ಮಾರಾಟ ಮಾಡುವ ವ್ಯಾಪಾರಿಗಳು
ಪ್ರತ್ಯೇಕವಾಗಿ ಪರಾವನಿಗೆ ಪಡೆಯುವುದು ಕಡ್ಡಾಯವಾಗಿದ್ದು ಪರವಾನಿಗೆ ಪಡೆಯಲು ಈ
ಕಛೇರಿಯಿಂದ ನಿಗದಿತ ಅರ್ಜಿ ನಮೂನ ಪಡೆದು ಅಗತ್ಯ ದಾಖಲಾತಿಗಳಾದ ಆಧಾರ್ ಕಾರ್ಡ್
ನಕಲು, ಅಂಗಡಿ ಬಾಡಿಗೆ ಕರಾರು, ಉದ್ಯಮ ಪರವಾನಿಗೆ, ಉದ್ಯಮದ ಪೋಟೋ ಹಾಗೂ
ಮಾಲೀಕರ ಪೋಟೋ ಈ ಎಲ್ಲಾ ದಾಖಲೆಗಳನ್ನು ಸಲ್ಲಿಸಿ ಡಿಸೆಂಬರ್ 15ರ ನಂತರ ಪ್ರತ್ಯೇಕ
ಪರವಾನಿಗೆಯನ್ನು ಪಡೆಯಬೇಕು, ಪ್ರತ್ಯೇಕ ಪರವಾನಿಗೆಯನ್ನು ಪಡಯದೇ ತಂಬಾಕು
ಉತ್ಪನ್ನಗಳನ್ನು ಮಾರಾಟ ಮಾಡುವ ವ್ಯಾಪಾರಸ್ಥರ ಮೇಲೆ ದಂಡ ವಿಧಿಸುವುದಲ್ಲದೆ ಉದ್ದಿಮೆ
ಪರವಾನಿಗೆಯನ್ನು ಸಹ ರದ್ದು ಪಡಿಸಿ ಕಾನೂನು ಕ್ರಮವನ್ನು ಕೈಗೊಳ್ಳಲಾಗುವುದು ಎಂದು ಪೌರಾಯುಕ್ತ ಜಗ್ಗರೆಡ್ಡಿ ತಿಳಿಸಿದ್ದಾರೆ.