ನಗರಸಭೆ ತೆರವಾದ ಸ್ಥಾನಕ್ಕೆ ಮುಹೂರ್ತ ಪಿಕ್ಸ್ - ಬಿಸಿಎಂ ಬಿ ಮಹಿಳೆ ಕಣಕ್ಕಿಳಿಸಲು ಕಸರತ್ತು...

ಚಳ್ಳಕೆರೆ ನ.4. ನಗರಸಭೆ ಸದಸ್ಯ ಕೆ.ಸಿ.ನಾಗರಾಜ್ ರಾಜಿನಾಮೆಯಿಂದ ತೆರವಾದ 4 ನೇ ವಾರ್ಡ್ ಗೆ ಚುನಾವಣೆ ದಿನಾಂಕ ಘೋಷಣೆ ಬೆನ್ನಲ್ಲೆ ಸಾಮಾನ್ಯ ಸ್ಥಾನಕ್ಕೆ ಬಿಸಿಎಂ ಬಿ ಮಹಿಳಾ‌ ಅಭ್ಯರ್ಥಿಯನ್ನು ನಿಲ್ಲಿಸಲು ತೆರೆಮರೆಯಲ್ಲಿ ಅಭ್ಯರ್ಥಿ ಆಯ್ಕೆ ಪ್ರಕ್ರಿಯೆ ಪ್ರಾರಂಭವಾಗಿದೆ ಎನ್ನಲಾಗಿದೆ.
ಚಳ್ಳಕೆರೆ ನಗರಸಭೆ ಸದಸ್ಯರ ಅಧಿಕಾರವಧಿ 2025 ರ ನ.2 ಕ್ಕೆ ಮುಕ್ತಾಯಗೊಳ್ಳಲಿದೆ ಎಂಬ ಮಾಹಿತಿ ಇದೆ.
ಮೀಸಲಾತಿ ಗೊಂದಲ ತಪ್ಪಿದ ಅಧ್ಯಕ್ಷ ಪಟ್ಟ.
ನಗರಸಭೆ ಎರಡನೇ
ಅವಧಿಗೆ ಒಂದೂವರೆ ವರ್ಷಗಳ ವಿಳಂಬದ
ನಂತರ ನಗರಸಭೆ ಅಧ್ಯಕ್ಷ ಸ್ಥಾನಕ್ಕೆ ಬಿಸಿಎಂ ‘ಬಿ’ ಮಹಿಳೆ ಮೀಸಲಾತಿ
ಘೋಷಣೆ ಮಾಡಲಾಗಿತ್ತು. ವಾರ್ಡ್ 21ರ
ಕಾಂಗ್ರೆಸ್ ಸದಸ್ಯೆ ಸಾವಿತ್ರಮ್ಮ ಅರ್ಹತೆ
ಹೊಂದಿದ್ದ ಏಕೈಕ ಸದಸ್ಯೆ ಇದ್ದ ಕಾರಣ,
ಅವಿರೋಧ ಆಯ್ಕೆಯಲ್ಲಿ ಅಧ್ಯಕ್ಷೆ ಪಟ್ಟ
ಸಿಗಲಿದೆ ಎಂದು ಆಸೆ ಇಟ್ಟುಕೊಂಡಿದ್ದರು.
ಮೀಸಲಾತಿ ಘೋಷಣೆ ಬೆನ್ನಲ್ಲೇ 31 ಸದಸ್ಯರ
ವಿಶ್ವಾಸಕ್ಕೆ ಭೇಟಿ ಮಾಡಿ ಮಾತುಕತೆ
ಮಾಡಿಕೊಂಡಿದ್ದರು. ಕೊನೇ ಘಳಿಗೆಯಲ್ಲಿ
ಕುಟುಂಬದ ಆಸ್ತಿ ನಿಗದಿತ ಮಿತಿಗಿಂತ ಹೆಚ್ಚಳ
ಇದೆ ಎನ್ನುವ ಕಾರಣಕ್ಕೆ ಪ್ರಮಾಣ ಪತ್ರ
ಪಡೆದುಕೊಳ್ಳುವಲ್ಲಿ ವಿಫಲರಾಗಿದ್ದರಿಂದ ಬಿಸಿಎಂ ಎ ಮಹಿಳೆಗೆ ಅಧ್ಯಕ್ಷೆ ಸ್ಥಾನ ಒಲಿದು ಬಂದು ಕಾಂಗ್ರೆಸ್ ನ ಜಯತುಂಬೀ‌ ಎರೆನೇ ಅವಧಿಗೆ ಚಳ್ಳಕೆರೆ ನಗರಸಭೆ ಅಧ್ಯಕ್ಷರಾಗಿ‌ ಚುನಾವಣೆಯಲ್ಲಿ ಜಯಶೀಲರಾಗಿ ಅಧಿಕಾರ ವಹಿಸಿಕೊಂಡರು.
ನಾಲ್ಕನೇ ವಾರ್ಡ್ ಸದಸ್ಯ ಕೆ.ಸಿ.ನಾಗರಾಜ್ ತೆರವಾದ ಸ್ಥಾನಕ್ಕೆ ಈಗ ಬಿಸಿಎಂ ಬಿ ಮಹಿಳಾ ಅಭ್ಯರ್ಥಿ ಸ್ಪರ್ಧೆಯನ್ನು ಕಣಕ್ಕಿಳಿಸಿ ಅವಿರೋಧವಾಗಿ ಆಯ್ಕೆ ಮಾಡಿ ಮತ್ತೆ ಬಿಸಿಎಂ ಬಿ ಮಹಿಳೆಯನ್ನು ನಗರಸಭೆ ಅಧ್ಯಕ್ಷ ಗದ್ದಿಗೆ ಹಿಡಿಯ ಬೇಕೆಂದು ಕಾಂಗ್ರೆಸ್ ಪಕ್ಷ ತೆರೆಮರೆಯಲ್ಲಿ ಯಾರನ್ನ ಕಣಕ್ಕಿಳಿಸ ಬೇಕೆ ಎಂಬ ಚರ್ಚೆ ನಡೆಯುತ್ತಿದೆ ಇತ್ತ ಜೆಡಿಎಸ್ ಬಿಜೆಪಿ ಮೈತ್ರಿ ಪಕ್ಷಗಳೂ ಸಹ ಬಿಸಿಎಂ ಬಿ ಮಹಿಳೆಯನ್ನು ಕಣಕ್ಕಿಳಿಸಲು ತೆರೆಮರೆಯಲ್ಲಿ ಕಸರತ್ತು ನಡೆಸುತ್ತಿದ್ದಾರೆ.
ಮತ್ತೆ ನಗರಸಭೆ ಅಧ್ಯಕ್ಷ ಗದ್ದಿಗೆ ಹಿಡಿಯಲು ಬಿಸಿಎಂ ಬಿ ಮಹಿಳಾ‌ಅಭ್ಯರ್ಥಿಯನ್ನು ಕಣಕ್ಕಿಳಿಸಲು ಬಾರಿ ಪೈಪೋಟಿ ನಡೆಯುತ್ತಿದೆ.